De Baeker vastelaovend

Van Wikibrónne
Gank nao: navigatie, zeuke
De Baeker vastelaovend
Sjriever Peter Otermans
Jaortaal 2005
Plaats Baek
Saort Leedteks
Oetveurendje  ?

Trögk nao Baek.

Teks[bewirk]

Es veer 'r road, gael, greun weer zeen,
dan roop veer mit z'n alle: Allewiel!
Dan is de Vastelaovend doa,
in echte Baeker sjtiel.
Dan sjteit 't dörp hie drie daag langk
weer gans op ziene kop.
Veer goan dan door de sjtraote,
kömme neet mièj sjtop.
En eederein dae mit wilt doon,
Verkleijt zich ès prinses of toch ès kloon.
De Pottentaot, dae zungk en lach,
Ein gans jaor op gewach.

De prins, dae geit veurop
in deze Vastelaovestrein.
De jeugprins volg häöm op de voot,
dan gaon ze achterein.
En in de polonaise
löp bienao de ganse sjoal.
Van links nao rechs, achter noa veur,
ze volge allemaol.

Op zondig trèk de Leechsjtoet,
dan gaon alle lempkes aan.
Mit alle hermeniekes, trööte,
trommels en 'n vaan.
En auch op maondig optoch, sjpas,
plezeer veur klein en groàt.
Dan is 't alweer dinsdig,
bloaze veer de lètste noàt.