De Palestijnse jöng

Van Wikibrónne

Van: Huub Brouns


DE PALESTIJNSE JÖNG

D’n haop haet hae goddank naog neet verlaore,
want hae sjtamtj wied-e-weg van herders aaf.
’t Waas zien väörvader dae sjäöpkes gaaf.
As naozaot veultj d’r zich naog oetverkaore.

Dus hem trèktj Bethlehem. Dao Kersmes haoje.
Dao wäörs se den de Boeëdsjap waal gewaar!
En vredesdoeve haoltj noe nemes haar,
al is dae grens-toen sjtrang väör häör verbaoje

Op baevaart geit toch geine op ‘m knalle.
Bevlaoge klamptj d’r zich aan zien besjloet.
Toch is neet ederein op Vrede oet,
want aorlogstuug bliektj angere kal te kalle.

Vlak anen daag wäörtj weer ’n graaf gedabtj.
Van Kersmes haet de waereldj niks gesnaptj.


Huub Brouns, Naer