Egaal wó'ste woon's

Van Wikibrónne
Gank nao: navigatie, zeuke
Egaal wó'ste woon's
Sjriever Frans J.M. Derhaag
Jaortaal 2003
Plaats Baek
Saort Leedteks
Oetveurendje College B&W; Beek

Trögk nao Baek.

Teks[bewirk]

’T is toch égaal wó’de weeg oaijt éns sjtóng
Es’me Vastelaovend wilt viere
Zoalang me beséf, woróm ‘t hie geit
Dan kan dich toch nik’s gebeure.
En béste verkleid, wét jeeder besjeit
Doe wil’s ’t éns gaer prebeere
Dr’óm doon mit ôs mit, en sjtél dich neet aan
Veer zulle ôs ammezeere

Baek, Baek doe krig’s van ôs
Ein pléks’ke in ôs laeve
Baek, Baek veer wille dich
Alle leefde gaeve
En hauwt ich van dich
Dan hil’s doe van mich
Zal ’t neet mis kénne gaon
Want wae om ein gúf
Beséf dat toch éns
Dae haet ein riek besjtaon

De Kwakkert dae Kwaak, de Pottentaot Brult
En de Sjravelaer dae Sjraavelt
De Doorzetter denk, wat mót ich dao mit
Mit al dae vraemde braazel
Mer éns in ’t jaor, is’ter gein versjil
Dan völt zich ôs gemood
Mit road gael en greun, verseer veer ‘t dörp
Saer-de-djuu wat deit dat good.