Et verhaol achter de bend

Van Wikibrónne

"... de raad-gekke bend PROMILAASJ: dees idiote sjpele alle goeie nummers van o.a. Rowwen Hèze, Janse Bagge, Neet oet Lottum en nummers wie "Rosie" en "Gabelstapelfuhrer" en "Viva Kolonia" etc.. Dus det moag geer neet misse !!!" (Kefee Woetsjtok)
  

En et verhaol d'rachter...
Rondj december 2004 bedachte Ivo en Sven eine limburgse teks op het nummer 'Viva Kolonia' vanne Hohner. Dees 'Echter versie' zoe veur et ieërs te huëre motte zeen op et Platsspektakel van 2005.
Teks gesjreeve, en doanao gelökkig neet sjtil gebleeve.
In ein paar waeke tied waerdje enne gitarist gevonje in Mark, enne zanger in Berry en ein 'blaoskapelke' in Bas en Alain. Viva Promilaasj!

'Viva de carnaval' waerde ein ieërbetoan aan Ech zellef; Et sjaone plaetske in et zuuje van et landj...
Det ieërste optraeje op 5 fibberwaarie 2005 bestong oet mer leefs twieë (!) leedjes, woarvan ein auch nog instrementaal! 'Hiej oppe Plats is et ummer bal!' dus... veur herhaling vatbaar!!

Ein vanne sjoan gevolge van vriejerieje is desse anger muzikante inne (sjoan)femielie krigs. Noadet Ivo, Sven en Berry mit toetsenis Paul in de Ech Tejater versie van 'Blood Brothers' de meziek haeje verzörg, hoofdje der eigelik neet èns mieër gevraog te waere om in jannewaarie 2006 den draod weer mit op te pakke biej Promilaasj.

Mit ein paar leedjes ekstra in et repertoire waerde het PlatsSpektakel van det jaor kaod mer knallend aafgesjlaote. 'Hofleveranseer' van covers woor det jaor (en eigelik nog steeds) Janse Bagge. Verlaege, Solliciteere en de Mek stonge neet allein vas oppe lies, mer auch wie ein hoes oppe bühn. Vaste aafsjloeter: Wahnsinn. Et twieëde en derdje nummer mit enne 'Promilaasj-teks' waerdje 'Dae migraine' en 'Witte kraag'. Vriej mekkelik te roaje woar die nummers euver gaon!
Nao weer ein gesjlaag PlatsSpektakel waerdje het duudelik tied veur get duchtige reepetisies om et lieske te kinne oetbreie.

Et ieërste optraeje boete de vastelaovend waor de Limburgse aovendj inne Stoba op 1 september 2006. Hiej speeldje Promilaasj als 'hoësbend' tusse de Schintaler, Repke Tepke, Frans Theunis en Big Benny.
Ein paar waeke later waor de Deeterse kermes ein geljig ekskuus om weer tekieër te gaon. En auch in november ging inne Koppel et daak d'raaf op et Zaate Hermeniekes Treffe van Z.H. Jonk Vleisj.

Ongertusse waerde de sets oëtgebreidj tot ein aovend vullendj programma, mit veurnamelik limburgstalige covers vanne Janse Bagge, Rowwen Hèze, Neet oét Lottum en de WW-bend; Eige versies van De Dijk en Doe Maar, en mitblaerders zoaës 'Skandal' en 'Wahnsinn' maake et spektakel kompleet. Neet allein oppe Plats, mer auch ver daoboete!

Nao ein succesvolle periode van ruum 3 jaor haef Berry de sjtek euvergegaeve aan Eddie.
Mit Eddie in de gelederen geit Promilaasj verder es vanouds mit het onveilig make van menig accommodatie, wae wet treffe weer os binnekort!!!