Ien de loop

Van Wikibrónne
Naar navigatie springen Naar zoeken springen

Ien de loop van al die jaore wat veraanderd van gezicht,
groeve diep, heel diep verlaore sprèke van lang lèveslicht.
Al heel lang nooit echt veranderd, al heel lang ow eige beeld,
hedde altied kunne halde, lèveslang dit Offers beeld.

Uut 't stevig bronsgruun eike, vast en sterk, 'n stuk natuur,
durpke waor, wej zien gaon reike, naor die grote lèvesmuur.
Mit oneindig vast vertrouwe, ien ow haand ons toeverlaot,
hèw wej altied kunne bouwe, op ow kracht ien woord en daod.

Kwenseberg, mit al ow venne, èns 'n heel zwaor strijdtoneel,
en die bûs mit al die denne, gej vûrmt saam 't groot geheel.
Limburgs lèndje lief en teder, ligt an Moeder Maas gevleid,
God gèf lange jaore lève, an ons durp ien eeuwigheid.