Informatie veur óngerwiesinstèllinge

Van Wikibrónne
Naar navigatie springen Naar zoeken springen

Informatie veur óngerwiesinstèllinge:

• Dien eige taal veur 't basisóngerwies

In 2005 zeen de ieëste beukskes vanne sjoealaanpak veur 't basisóngerwies, Dien eige taal, oetgekómme. Zie 'drejje mit' in 't projek 'Taaltrotters' van 't CK in Zittert. 't Zeen beukskes wo-in 't geit óm attitudevorming bie lieërlinge van 10 jaor róndjóm versjillende tale - ouch 't plaatselik Limburgs - in häör ómgaeving. 't Is neet de bedoeling det de lieërlinge Limburgs gaon lieëre inne klas. Es ze det toevallig waal doon, is det mitgenómme. Waal kónne stökker vanne boketeks deens doon es naoslaagwerk: bieveurbeeldj de stökskes euvere spelling van 't Limburgs.

't Meis opvallendje aan deze aanpak is waal, det de (autochtoon) taal die de lieërling es ieëste taal mit de klas inbringk, de taal is van 't beukske det dore lieërling gebroek waert. Is die taal Limburgs, dan staon ganse stökker drin in 't Limburgs. Is die taal Nederlands, dan zeen die stökker in 't Nederlands. Det beteikentj dus det de lieërlinge ein veur ein eventueel anger beukskes gebroeke. Geine noead: de tekste in 't Nederlands loupe gans parallel ane tekste in 't Limburgs. De beukskes zeen trouwens ouch 't zelfdje oet.

't Is de bedoeling det de 'Limburgse' beukskes in versjillende dialekte vertaaldj gaon waere. Es ieëste zeen oetgaves in 't Remunjs, 't Broensems, 't Zitterts en 't Gelaens samegestèld. Same mit 't beukske in 't Nederlands en de docentehandjleiïng waas det 't pilootprojek van deze aanpak. In 2006 versjene vertalinge veur 't Kirkraods, 't Venloos, 't Wieërts en 't Mestreechs.

Edere óngerwiesgaevendje kan mit dees beukskes óngere veut oet. Me hoof zelf gei Limburgs te spraeke óm mit de lieërlinge d'r doorhaer te wèrke. 't Geit neet óm 't lieëre, mer óm attitudevorming.



• Bibliografische gegaeves:

Pierre Bakkes (red.), Je eigen taal. Lerarenboek. Bureau Streektaal Nederlands-Limburg, Roermond 2005. 24 blz.

Pierre Bakkes (red.), Je eigen taal. Leerlingenboek. Nederlandstalige uitgave. Bureau Streektaal Nederlands-Limburg, Roermond 2005. 112 blz. Herdruk 2006.

Pierre Bakkes (red.), Dien eige taal. Leerlingebook. Oetgave in 't Remunjs. Bureau Streektaal Nederlands-Limburg, Roermond 2005. 112 blz.

Pierre Bakkes (red.), Dien eige taal. Leerlingebouk. Oetgave in 't Zittesj. Bureau Streektaal Nederlands-Limburg, Roermond 2005. 112 blz.

Pierre Bakkes (red.), Dien eige taal. Leerlingebook. Oetgave in 't Gelaens. Bureau Streektaal Nederlands-Limburg, Roermond 2005. 112 blz.

Pierre Bakkes (red.), Dien ege taal. Lieërlingebook. Oetgave in 't Broensems. Bureau Streektaal Nederlands-Limburg, Roermond 2005. 112 blz.

Pierre Bakkes (red.), Dien eige taal. Leerlingebook. Oetgaaf in 't Venloos. Bureau Streektaal Nederlands-Limburg, Roermond 2006. 112 blz.

Pierre Bakkes (red.), Dieng eje sjproach. Lieërlingebóch. Oes-jaaf in 't Kirchröädsj. Bureau Streektaal Nederlands-Limburg, Roermond 2006. 112 blz.

Pierre Bakkes (red.), Eur eige taal. Leerlingebook. Oetgave in 't Wieërtlands. Bureau Streektaal Nederlands-Limburg, Roermond 2006. 112 blz.

Pierre Bakkes (red.), Dien eige taol. Leerlingebook. Oetgaaf in 't Mestreechs. Bureau Streektaal Nederlands-Limburg, Roermond 2006. 112 blz.



• Wiejer in dien taal

In 2006 zunt de ieësjte beuksjkes versjeëne van inne sjoeëlaapak vuur 't vuurtgezat óngerwies deë durch Bureau Streektaal óntwikkeld is: Wiejer in dien taal. D'r aapak is bedoeld vuur lierlinge van 14-15 jaor en focust graad wie d'r aapak vuur 't basisóngerwies Dien eige taal óp de twieëtaligheed in Limburg. Besjikbaar zunt noe 't docentebook en lierlingebeuker in 't Nederlands, Remungs, Zittesj en Gelaens. Vertalinge in anger dialekte wie 't Mastrichs en 't Venloos volge sjpieëder.

Pierre Bakkes, Ton van de Wijngaard (red.), Verder in je taal. Docentenboek. Roermond 2006. ISBN 90-77457-14-3. 28 blz.

Pierre Bakkes, Ton van de Wijngaard (red.), Verder in je taal. Leerlingenboek. Nederlandstalige uitgave. Roermond 2006. ISBN 90-77457-15-1. 84 blz.

Pierre Bakkes, Ton van de Wijngaard (red.), Wiejer in dien taal. Leerlingebook. Oetgave in 't Remunjs. Roermond 2006. ISBN 90-77457-13-5. 84 blz.


Pierre Bakkes, Ton van de Wijngaard (red.), Wiejer in dien taal. Leerlingebouk. Oetgaaf in 't Zittesj. Roermond 2006. ISBN 90-77457-17-8. 84 blz.

Pierre Bakkes, Ton van de Wijngaard (red.), Wiejer in dien taal. Leerlingebook. Oetgave in 't Gelaens. Roermond 2006. ISBN 90-77457-16-0. 84 blz.

» Wiltj geer mieë wete euver Dien eige taal of Wiejer in dien taal, beltj of mailtj dan effe mit 't Bureau Streektaal.

Ton van de Wijngaard Bureau Streektaal Nederlands-Limburg Kapellerlaan 36 6041 JC Remunj ('Roermond') Tel.: 0475 399 280 E-mail: tvdwijngaard@hklimburg.nl

» Kiek veur dit óngerwerp ouch 'ns op de website van Ouders Online en de Ongerwiesbond CNV.

 Bewirkt op: 21 september 2006