Mäölesjtraot

Mäölesjtraot
Sjriever	Ren Bours
Jaortaal	2007
Plaats	Bieëgdje
Saort	Leedteks
Oetveurendje	Ren Bours

Trögk nao Bieëgdje.

Teks

Ich gaon weer heives, ich gaon weer op Bieëgdje aan
Langs Sjeng de Mölder, langs Trienke, Wullem en Lei en Plien
Langs Greet en Ties, op Sjeng en Clummentien opaan,
Wullem de Gruiter, en Frenske en Fien
Ich zeen haost nemes mieër bekindj
Oppe Mäölesjtraot, van begin toet aan 't indj
Gesjpeeldj hiej noch es kindj

Ich gaon weer heives, ich gaon weer op Bieëgdje aan
Langs Funs en Tiela, Broenskes Duerke, Tieskes Ties en Tieskes Nel
Langs Sjeng van Tuemke, langs Merieke en langs Piet van Jaan
Bie-Naad, Graad en Nieëske, trok ich sjtiekum ane bel, waat geit 't sjnel

Ich zeen haost nemes mieër bekindj
Oppe Mäölesjtraot, van begin toet aan 't indj
Bekans nemes mieër te vinje
Cristien en Harrie de Blinje
Triene, Tjeu en Oeame Keup

Ich gaon weer heives, ich gaon weer op Bieëgdje aan
En ich bön gewuen eine vraemdje, kóm allein efkes väörbiej
Ich kin nemes hiej

Ich zeen haost nemes mieër bekindtj
Op 't zand hiej, van begin toet aan 't indj
Sjengske en Teun, Truuke en Graad, Harrie en Merie,
Guulker Graad en Graad van Nol, Sjeng en Merie, Neelke en Lei,
Neerke en Truuj, allemaol aoj Bieëgdjer luuj,
Ich kin ze neet mieër vinje sakkerdjuuj.