Allewiel (Laevesfilosofie van Johann Pelzer)

Van Wikibrónne
Naar navigatie springen Naar zoeken springen
Allewiel (Laevesfilosofie van Johann Pelzer)
Sjriever Johan Pelser
Jaortaal 1950
Plaats Baek
Saort Leedteks
Oetveurendje Baeker Pottentaote

Trögk nao Baek.

Teks[bewirk]

Allewiel, allewiel, och, wat zaet me allewiel ?
't Is de Pottentaote-groot, zit zwoà in ós Baeker blood.
En ein eeder in ziene sjtiel, dae zaet: allewiel, allewiel !

Allewiel, allewiel, mit vastelaovend allewiel.
V'r make allemaol weer sjpas, dae neet gek is, is 'nne kwas.
En ein eeder in ziene sjtiel, sjprungk en zungk: allewiel, allewiel !

Allewiel, allewiel, Baek is roàd, gael, greun, allewiel.
De prölle kómme oet de kis, omdat 't vastelaovend is.
En ein eeder in ziene sjtiel, is Pottentaot allewiel, allewiel !

Allewiel, allewiel, jao, dat zaet me: allewiel.
't Is de Pottentaote-groot, zit zwoà in ós Baeker blood.
En ein eeder in ziene sjtiel, dae zaet: allewiel, allewiel !