America dat stiet
| America dat stiet | |
|---|---|
| Sjriever | ? |
| Plaats | America |
| Saort | Leedteks |
| Oetveurendje | Rowwen Hèze |
Trögk nao America.
Teks
[bewirk]As ge in America bint geboare, da kunde d'r van op aan,
dat ze ow nog hiel wat kiere vroage: "Hej, woa komde geej van dan ?".
Van America in Limburg hebbe ze nog noeit gehuurd.
"Leet dat neet onder in 't zuijje of doar urges in de buurt ?
O, wach us, leet dat neet in Friesland", "ne hoj mar op, ge rowt 't neet".
en ze zulle 't noeit wiete, as ze vroage woa America leet.
Want America, dat leet neet, America, dat stiet,
rechtoverend met vastenoavend, as d'n optocht dor de stroate giet.
Want America, dat leet neet, America, dat hungt,
van nette pak tot overal, an mekaar met carnaval.
Dan hedde ok nog van die grapjes, die vroag: "Woa komde geej oet ?
Oet America, hoe dat da, met 't vleegtuug of d'n boet, ha, ha, ha, ha.
Met de fiets, loat meej ni lache, dan verdrinkte toch metien".
Nou, 't ienige wat weej verdrinke is os geld en dat allien.
Man, doar werde toch ni good vaan, dat is neet an meej besteed.
Ne, dat rakt toch genne grond mier, lat mar ligge woar 't leet.
Enne journalist van 't plaatselijk dagblad, di schreef alt hiel onterecht,
Horst-America beej goot neejs en allien America beej slecht.
Toen weej 'm toes op ginge zeuke, zwoor heej, de hand op ziene borst,
allien America te schrieve, nou lesde niks mier over Horst.
Kiek, din het 't good begreepe, vergut van zien laeve neet,
dat America op zichzelf stiet en doarneave niks mier leet.