Baeker vastelaovend (Kaffee in en kaffee oet)

Van Wikibrónne
Gank nao: navigatie, zeuke
Baeker vastelaovend (Kaffee in en kaffee oet)
Sjriever Sjef Nijsten
Jaortaal 1973
Plaats Baek
Saort Leedteks
Oetveurendje Baeker Pottentaote

Trögk nao Baek.

Teks[bewirk]

Vastelaovend, vastelaovend,
vastelaovend door ós Baeker sjtraote.
Vastelaovend, vastelaovend,
vastelaovend, mit ós Pottentaote.
Kaffee in en kaffee oet, kaffee oet en kaffee in.
Baeker Pottentaot: Allewiel !

Baeker mini-rökskes, maedjes puène maxi,
es mer get te puène vilt.
Ze flaneere door de sjtraote en uige nao de maskes.
Dat maoge ze van de mam, dat maoge ze van de pap,
omdat 't drie daag vastelaovend is.
Dat maoge ze van de mam, dat maoge ze van de pap,
omdat 't drie daag vastelaovend is.

Baeker Pottentaote, jònges vrieje maxi,
es mer get te vrieje is.
Ze pareere in hun pekskes en sjarrele mit de maedjes.
Dat maoge ze van de Prins, dat maoge ze van de Vors,
omdat 't drie daag vastelaovend is.
Dat maoge ze van de Prins, dat maoge ze van de Vors,
omdat 't drie daag vastelaovend is.