Bestel mar

Van Wikibrónne
Gank nao: navigatie, zeuke
Bestel mar
Sjriever Jack Pouls
Plaats America
Saort Leedteks
Oetveurendje Rowwen Hèze

Trögk nao America.

Teks[bewirk]

't Keumt mei veur, ge zit allien, ge zit te baale.
Ge zit al oore lang te kieke nar ow schoon.
Niks te proate, niks te zeen, niks te beleave.
Oet vervealing gadde mar wat zinnigs doon.
En met de hand deep in de tes loepte de stroat op.
Alles donker, lampe oet, gordiene dicht.
En net als ge bedenkt, ik gaj nar hoes, nar bed toe,
schient zachtjes in de verte 't verlossend licht.

Ach bestel mar, bestel mar, bestel mar.
Ge wet dat ik 't neet kan loate.
Nog efkes en dan begin ik,
d'r wir duchtig langs te proate.

In 't cafe an d'n tap, wuurd 't mar latter.
De klok die kunde doar neet zeen, die hengt te hoeg.
Van al dat beer werde stiekemaan mar zatter.
't Wuurd nou echt d'n hoegste tied um weg te goan.
Ge pakt ow pilske en ow knip um te betaale,
keumt d'r net nog zonne blieje bij ow stoan.
Stel ow nie aan, man, zoep d'r toch nog enne mei, man,
wie denkt d'r nou zo vroeg al an nar hoes te goan.

't Wuurd drukker, de biljardclub keumt nar binne:
verloare, mar dat makt vur die niks oet.
Dikke Piet zet dat 'ie vet haj kunne winne,
mar de teagestand waas schienbaar toch wat groet.
En zoe velt d'r doar wal aalt wat te beleave.
Minse koome doar nar binne, minse goan.
Al stort de ganse werlt inien, 't kan niks geave,
zolang 't beer en de cafe mar blieve stoan.