De Vasteloaves-kraker

Van Wikibrónne
Gank nao: navigatie, zeuke
De Vasteloaves-kraker
Sjriever S. Schurgers
Jaortaal 2002
Plaats Baek
Saort Leedteks
Oetveurendje De Sjaam-Sjotte

Trögk nao Baek.

Teks[bewirk]

Mien vrouw deit aan niks mit, ze lik dus vruig in bed.
Vastelaovend vindtj zie gaar neit leuk.
Allein den optoch met, tref vrunj aan 't bufffet.
Dae aovend wurt 't dan ouch heel erg laat.
Kroep dan veurzichtig den trap omhoog,
mer struukel dan euver miene toog.

Auwee, dao kraak de'n trap, ich ben der bie.
Mich heurt Merie, sjpas is veurbie.
Auwee, dao kraak de'n trap, ich ben der bie.
Mich heurt Merie, oh, non de pie.
Harieke, Harieke wat heur ich noe ?
Niks sjatje, doog doe dien eugskes toe.

Mien vrouw deit aan niks mit, ze lik weier vruig in bed.
Vastelaovend vindtj zie gaar neit leuk.
Verkleid loup ich mit trööt, lik 's mörges in de gööt.
De melkboer hulp mich dan sjpontaan omhoog.
Kroep dan veurzichtig den trap omhoog,
Mer struukel dan euver miene toog.

Mien vrouw deit aan niks mit, ze lik...he..noe neit in bed.
Oh nei, wo is mich die dan noe nao toe ?
Die maak 't waal heel bontj, vertwiefeld loup ich rontj.
Ein laeg bed, dat ben jao ich neit gewent.
Zie krup veurzichtig dan den trap omhoog.
En stjruukelt dan euver heure toog.

Aha, doa kraak de'n trap, zie is der bie.
Dao is Merie, sjpas is veurbie.
Aha, dao kraak de'n trap, zie is der bie.
Oh nondepie, dao is Merie.
Merieke, Merieke, waat heur ich noe ?
Niks sjatje, doot doe dien eugskes toe.