De brögk

De brögk is e gedich ven Marco Janzen. Wikibrónne haet toestömming gekrege óm dit gedich te plaatse. Euvernömme moog, mer den waal estebleef de sjriever en de brón vermelje!

---

Hie staon ich den,
de zón sjientj
mid wölk d'rveur
èn ich weit
det de sträöl nömmer
d'n aerj zölle rake

De randj is ven iezer
èn glömp euver in 't water
'ne heite randj,
ouchal weit ich
det de sträöl nömmer
de randj höbbe geraak

't Paad is ónzuver,
drek ligk óppe beine
èn de rèèl zètj ónger
't voel det ich weit
det die nömmer de sträöl
taenge de brögk geveuldj höbbe