De laevesdaag
Van: Huub Brouns
De daag, ze litsdje sjtilkes oet dien henj.
Neet sjtoeksgewies, mer zäötjes mèt minute.
Doe greeps se vast mèt allebei dien henj.
Väöral as doe dich zingendje kós ute.
Refrein:
De laevesdaag, ze zeen väör ós getèldj.
Al huuers se bie de allerbèste,
dien laeves-inj is väör dich vastgesjtèldj.
Èns kumptj de leste, gans ónverwachs.
Den bès se oetgetèldj.
De daag, ze zeen väör ederein getèldj.
Ooslevenhieër dae reep dets dich mós kómme.
Ómdet ouch hem dien sjtum zoeë good bevèltj,
mós in oos midde diene klank versjtómme.
De daag, ze zulle ouch väör ós vergaon.
Det is de loup van alle aardse dinge.
As zenger kómme wae weer bie dich sjtaon
en zulle den väör ieëwig same zinge.
_________________________________________________
Huub Brouns, Naer