De verloahre zoëhn

Van Wikibrónne
Naar navigatie springen Naar zoeken springen

De verloahre zoëhn. (Luekas 15, 11-32)

   11 Doew zag hèèh:

Ene miensj haw twiëh zuëhns.

12 En de jóngste van dehn

zag tèènge zie vaahder:

Vaahder, gef mich ’t deehl van ’t vermeuhge

woë ich rech op hùb.

En de vaahder verdeelde ónger huhn

ahl wat ze hahwwe.

13 En ee paahr daag doanoa

verkoch de jóngste zoëhn

ahl wat hen haw kriëhge

en troch van biej hèùm heehm

noa ee lahndj wiehd eweg

en doa lèèfden hèèh in zahws en brahws

en joog zoëh zie vermeuhge der doëhr.

14 Wiej hen ahl vertèèhrd haw,

keem enen ergen hóhngisj-noëd

uëver dat lahndj,

en hèè begós ehrmood te liehje.

15 En hèè góng in deens

biej eehne van de burgisj van dat lahndj

en dèè sjikden hèùm noa de vehljer vahn zich

óm de vehrkes te hùjje.

16 En hèè hej zich gèèr de maag gevùld

mit de sjèlle diej de vehrkes vroohte,

mê niëhmes geef hèùm get ter vahnne.

17 Doew góng hèè noadèhnken en zag:

Wiejvèùl daahgluëndisj va mie vaahder

hùbbe neet broëd zat,

en ich vergoan hiehj van den hóhnger.

18 Ich sjtoan op en goan noa mie vaahder

en da zahl ich tèèngen hèùm zègke:

Vaahder, ich hùb gezunjig

tèènge den hiëhmel en jèèges uch.

19 Ich bèn ’t neet mië wèèhrd

ene zoëhn van uch geneump te wèèhre:

Sjtèlt mich aahn

es eehne van uër daahgluëndisj.

20 En hèè sjtóng op en góng noa zie vaahder.

En wiej hèè nog wiehd eweg woar,

zoog zie vaahder hèùm

en kreeg mitliehje mit hèùm.

Hèè rende noa hèùm hèèhr

en vool hèùm óm den hahws

en puënden hèùm.

21 En de zoëhn zag tèèngen hèùm:

Vaahder, ich hùb gezunjig

tèènge den hiëhmel en jèèges uch.

Ich bèn ’t neet mië wèèhrd

ene zoëhn van uch geneump te wèèhre.

22 Doew zag de vaahder tèènge zien knechs:

Goat gaw ’t bèste kleehd hoahle

en doët hèùm dat aah.

En gef ene vihngerrihnk vuër aan zien hahndj

en sandale vuër aan de veut,

23 en hohlt ’t vètgemas kahwf, sjlacht ’t

en loat ós èèhten en fiës viëhre,

24 want dizze zoëhn va mich woar doëd

en is wèèr lèèhvend woëhre,

hèè woar verloahren en is gevóhnge.

En ze begóste fiës te viëhre.

   25 Mê zienen awdste zoëhn

woar i gevehldj.

En wiej dèè kort biej genhoehs keem,

hoëhrt hèè mueziehk en gedahns.

26 En wiej hen eehne van de bedeendes

biehj zich haw gerope, vroog hèèh,

wat doa goande woar.

27 En dèè zag hèùm:

Uër browwer is kóhmme, en uër vaahder

hèèt ’t vètgemas kahwf gesjlach,

ómdat hèè hèùm gezóhndj hèèt truk kriëhge.

 28 En dèè woërt koad

en wol neet noa bènne goah.

Doew keem zie vaahder noa boehte

en probèèrden hèùm op ‘t gemood te wèhrke.

29 Mê dèè geef zie vaahder ahntjwoëhrd

en zag:

Kikt ens, al zoëvèùl joar bèn ich uëre sjlaaf,

en noëts hùb ich

ee geboahd van uch uëvertroa.

Mê mich hùb ger nog noëts ens

ee bukske gegèèhven

óm mit mîen vrunj fiës te viëhre.

30 Mê noehw,

wiej dèè zoëhn van uch is trukkóhmme,

dèè uër vermeuhgen hèèt vertèèhrd mit hoëre,

noew hùb ger vuër dem

’t vètgemas kahwf gesjlach!

31 Mê de vaahder zag tèèngen hèùm:

Doehw, mie kèhndj, bès ummer biehj mich,

en al ’t mint is ’t dint.

32 Ver moohze fiës viëhren en bliej zihnne,

want dèè broar van dich woar doëd

en is wèèr lèèhvend woëhre,

en hèè woar verloahren en is gevóhnge.