Ene Samarietaan kreeg mitliehje

Van Wikibrónne
Naar navigatie springen Naar zoeken springen

Ene Samarietaan kreeg mitliehje.

(Luekas 10, 25-37)

   25 [Doa] sjting ene wètgeliërden op,

dèè hèùm op de proof wol sjtèlle mit te zègke:

 Meehster, doër wat te doëh

zal ich ’t iëwig lèèhven ehrve?

26 En hèèh zag tèèngen dem:

In de wèt, wat sjteeht doa gesjriëhve?

Wiej lèès ger doah?

27 En dèè zag i zien ahntjwoëhrd:

Giër zult van den Hiër uëre God hahwte

mit gahns uër hart, mit gahns uër ziël

en mit gahns uër krach

en mit gahns uër versjtahndj

en van uëren èèvenoaste wiej van uch zellef.

28 En Jezus zag tèèngen hèùm:

Giër hùb richtig geahntjwoëhrd:

Doët dat en ger zult lèèhve.

   29 Mê ómdat hèè zien vroag wol goodkalle,

zag hèè tèènge Jezus:

En wèè is mienen èèvenoaste?

30 Jezus góng doa-op ihn en zag:

Doa góng ens ene miensj

va Jeruezalem noa Jiërichoë

en dèè veel in de henj va sjehlme,

diej hèùm neet alleen aahfsjtreuhpde,

mê hèùm ohnnag zoë hehl sjloohge,

dat ze hèùm hahwf doëd achter leehte,

wiej ze weg góhnge.

31 En toewvallig keem ene preester langs

uëver dèè wèèhg en wiej dèè hèùm zoog,

leep hèè in ene boag óm hèùm biehje.

32 En zoë keem oohch ene Leviët

op diej plaatsj en wiej dèè hèùm zoog,

leep dèè oohch in ene boag óm hèùm biehje.

33 En doew keem ene Samarietaan,

dèè op rees woar, biehj hèùm,

en wiej dèè hèùm zoog,

kreeg dèè mitliehje.

34 Hèè góng noa hèùm hèèhr,

sjod hùm olîef-oahlig en wiehn op de wunj,

verbónj hùm diej,

zat hùm op zien eehge lasdèèr,

brach hùm noa enen hehrbehrrig

en zùrgde vuër hèùm.

35 En ‘t sahngerdaags

hohlde hèè twië denaahriej oeht,

geef diej aan den herbergèèr en zag:

Zùrg vuër hèùm,

en wat ger doa nog boavenop sjpendèèrt,

zal ich uch trukgèèhve, went ich trukkóm.

36 Wèè van diej driehj, duhnk uch,

is den èèvenoaste van dèègenige,

dèè in de henj van de sjehlme is gevalle?

37 En hèè zag:

Dèè wat mitliehje mit hèùm hèèt gad.

En Jezus zag tèèngen hèùm:

Goat en doët giër oohch zoëh.