Ene mahn hólj ene groëten dienee
Ene mahn hólj ene groëten dienee.
(Luekas 14, 15-24)
15 En wiej eehne van dehn
diej mit zote te èèhte, dat hoëhrt,
zag dèè tèènge Jezus:
Ziëlig dèè wat broëd zal èèhten
in ’t kuëhninkriehk Goads.
16 Doew zag hèèh tèèngen dem:
Ene mahn hólj ene groëten dienee
en hèè nuëde ter vèùl oeht,
17 en wiej ’t tiehd woar vuër den dienee,
sjikden hèè ziene knech t’r-op oeht
óm tèènge de genuëde te zègke:
Kómp, want alles sjteet kloar.
18 En doew begóste ze zich allenej
sjtùk vuër sjtùk te veróntsjùljige:
Den iësjte zag tèèngen hèùm:
Ich hùb mich ee sjtùk lahndj gegóhjje
en doa mót ich pervoahsj hèèr goa kiehke.
Ich vroag uch: Nump mich neet koalik.
19 En enen ahngere zag:
Ich hùb mich vîef sjpahn ùs gegóhjje
en diej goan ich oehtprobèère.
Ich vroag uch: Nump mich neet koalik.
20 En wèèr enen ahngere zag:
Ich hùb een vrow getrowd
en doaróm kèn ich neet kóhmme.
21 En wiej de knech truk gegahnge woar,
vertèlden hèè dat aa zienen hiër.
Koad woëhre zag doew den hiër van ‘t hoehs
tèènge ziene knech:
Gahnk d’rek noa de sjtroaten
en de sjtege van de sjtad
en brèhng de ermen en de gehehndiekepde
en de blènjen en lamen hiehj hèèhr.
22 En de knech zag: Hiër, ’t is gebuëhrd,
wat giër hùb opgedraahge, en nòg is plaatsj.
23 En den hiër zag tèènge de knech:
Gahnk noa de wèèg en de ómmoërde hèùf
en dwèhng huhn hiehj hèèhr te kóhmme,
doamit mien hoehs vohl wurt.
24 Want ich zègk uch:
Niëhmes van diej men, diej genuëd woahre,
zal koare va mienen dienee.