Euver 't Limburgs

Van Wikibrónne

Op 20 februari 1997 is 't Limburgs door de Nederlandse Regering erkindj es minderheidstaal volges 't Handjves vanne Raod van Europa Deil II. Die erkinning gultj allein meh veure dialecte in Nederlands Limburg. De Belsj-Limburgse en Rienlandse dialekte, die hieël väöl oppe Nederlands-Limburgse lieke, zeen nag neet erkindj door häör regeringe. 'Limburgse dialekte' zeen alle dialekte die van vreugerhaer in Nederlands-Limburg veurkómme, ouch al zègke väöl miense det ein of anger dialek in Limburg mieë Braobants es Limburgs is. Same heite die 't Limburgs. Det Limburgs, mit alle euvereinkómste en versjille is erkindj es streektaal. De provincie Limburg wiltj de dialekte laote doorbestaon in al häör bóntje prach. Dao zal dus neet geprobeerd waere óm 't toet ein dialek te make.