Hedde zin um mit te gaon

Wej gaon vanaovend pruuve, mit de hele straot,
d'r komme now drie dolle daag, dus dat kan gen kwaod.
Mar motte wej nor huus toe gaon, dan zien wej nog nie muuj,
dus gaon wej en eike bakke, dit jaor bej tante Truuj.

Refrein:
Hedde zin um mit te gaon, sluut ow bej ons an,
dat was wat mien buurvrouw zei, tegen hûrre Jan.
Wej gaon vanaovend pruuve, wej gaon vanaovend uut,
en gej mos toch 'ns wete jong, hoe goed ow dat wel duut,
en gej mos toch 'ns wete jong, hoe goed ow dat wel duut.

Binne bej tante Truujke, han wej heel veul schik,
wej ate dor gebakke ei en ôk kreente mik.
Mar ome Grad kwam kieke toen, hej stapte uut zien bed,
en het toen 't hele zooitje, buute de deur gezet.

Wej wilde toen gaon slaope en nor huus toe gaon,
we konde op ons eige been, moejluk blieve staon.
Toen kwame wej vurbej un kroeg, dôr braande nog wat licht,
dus zien we toen mit zien alle, wer vûr 't bier gezwicht.