Heinric van Veldeke

Van Wikibrónne
Naar navigatie springen Naar zoeken springen

Dit is gedeiltelik óf gans ven ge Limburgse óf Kölsje wikipedia gehaoldj. Höb estebleef bi-j veur de bewèrkers dao.


Heinric van Veldeke (Henric van Veldeken) (ongevier 1128, Spalbeek - nao 1190) waor 'n Oudlimburgs hofdichter.

Hae sjreef zien ieësjte wirke tösje 1170 en 1190, ónger besjerming van gravin Agnes van Loon, köster Hessel va St.-Servaas te Mestreech en Hermann von Thüringen.

Van ziene laevesloup wit men neet väöl. Waarsjienlik sjpraok hae Frans en Latien, en haw hae kènnis va rech.

Hae is d'r ieësjte sjriëver van de Lieëg Leng (De Nederlande) woëvan d'r naam bekind is. De Nederlandse, Limburgse en Duutsje literatuurgesjiedenis beginne mit Veldeke. E waor d'r iësjte dae in 'n Germaanse taal 't eindriem gebroekde - dat in daeën tied waal gebroekelek waor in de Romaanse tale - in de plaats van 't bis doe gebroekelike midderiem. Hae is geboere op de plek woeë saer de 13 ieëw de zgn Veldekewatermuële sjteet aan de Demer, in 't vuurmalig gehuch Veldeke bie Spalbaek, in de buurt van Hasselt.

Zien belangriekste wèrk waor de Eneide, uëver de Trojaanse held Aeneas. Dit wèrk, gebasierd op de Franse Roman d'Énéas, is gesjriëve rond 1175 op 't hof van d'r graaf va Kleef. Allein de Middelhoeëgduutsje vertaling van de Eneïde haat de historie euverlaef.

Vanwaëge ziene excellente techniek haw Van Veldeke väöl invlood op d'r Duutsje literatuur vanaaf de twelfde ieëw. Hae woert gewaardierd vuur ziene lyrische poëzie, woeëvan ongevier dartig vuurbeëlde höbbe uëverlaefd. [1]

't Is neet ziëker woeraan Van Veldeke is gesjtorve, mer 't waor nao 1190 en vuur 1205, toen 'r doer Wolfram von Eschenbach woert genumd in zien Parzifal.