In de wolke

Van Wikibrónne
Naar navigatie springen Naar zoeken springen

Vol goojje mood, gewoen te voot, zien weej van hoes gegaon.
Beej iddere aose, gevuld met volle glaze.
Op fluitsignaal, met vuül kabaal, blief alles efkes staon.
Den wuurd ut wir zoë laat, met det hemels gerstenaat.
En wie ut is gekomme..... det is noeit oetgezoch,
ier weej ut begrepe honge weej al in de loch.

Refrein:
Weej zien, in de wolke en vleege dreej daag ronk.
Van heej nao dao, kom os maar nao, met de beinkes van de gronk.
Weej veule os heej baove wie ein veugelke zoë vreej,
en aaf en toe dan vluug inens ein ingelke veurbeej.
Weej zien in de wolke, vleege zonger vleegmesjiën,
och wat ken det zalig zien.

De ganse bubs is good gemutst, zoë zweeve weej maar door.
En geit os beer versjale, den gaon weej efkes dale.
Maar klinkt meziek, gaon weej van wiek, den starte weej wir door.
Weej motte den wir gaon, genne mins, dae den blief staon.
En wuurd os den gevraogd, kump det met ug noch wel good ?
Den zegge weej , tis baeter heej as laupe met de voot.