Merseburger Zaubersprüche

1
Eiris sazun idisi sazun hera duoder suma
hapt heptidun suma heri lezidun suma clu
bodun umbi cuonio uindi insprinc hapt
bandun inuar uigandun .H.



2
Phol ende uuodan uuorun zi holza du uuart
demo balderes uolon sin uuoz birenkict
thu biguol en sinhtgunt sunna era suister
thu biguol en friia uolla era suister thu
biguol en uuodan so he uuola conda
sose benrenki sose bluotrenki sose lidi
renki ben zi bena bluot zi bluoda
lid zi geliden sose gelimida sin