Paries weej komme

Van Wikibrónne
Naar navigatie springen Naar zoeken springen

Trögk nao Blierick op de kannepee.

Teks[bewirk]

Paries, hald dich maar vas gereid!
Weej komme, ikke met mien broed.
Met traot en trom, wie det zoe geit,
blues de blaoskepel os oet.
Dees reis is os gegaeve,
kedootje van de buurt.
Weej hebbe in os ganse laeve
diene naam wal ens gehuerd.
As-se mich de waeg ouk wees,
ik weit nog neet ens wao-se lees.

Paries, weej gaon neet met d'n trein,
neet met `t vleegtuug of d'n boet.
Dao-aan haet beej os idderein
mier as zeeve braorkes doed.
De bus is konfortabel,
de bis d'r in dreej "heure"
en veur de buurt is det rendabel,
want det is ouk neet zoe deur.
Buurt, bedank heejveur, wie net,
ein reis verzorg door Tante Bet!

Paries, Paries, wat hebs dich in hoes!
Veur os had `t ech neet gehoove.
Weej waare al bliej, as de buure heej thoes
ein klein envelopke os goove.
Maar noow't zoe wied is, veuruit met de geit!
Ik haop, as weej truuk zien, det os hoes d'r nog steit!
Paries, veur deeze kier,
veur os hoof det neet mier.