Sambala, de

Van Wikibrónne
Gank nao: navigatie, zeuke

Dao gaon we, dao gaon we, dao gaon we alwaer haer.
Ut maske, ut hudje, ut vuelke en de vaer.
Dao gaon we, dao gaon we, pak dienen euverjas.
Ut lank gezich geit in de kas, kóm haoj mich lekker vas.

Refrein:
Zoë gaon weej sambala danse, carambala sjanse.
Olé, olé-ja-la-ai-jaijaijai.
Sambala danse met Piëters en Jansse.
Olé, olé-ja-la-la-la.

Kóm mei nów, kóm mei nów, kóm mei, weej gaon der oët.
Ut sjliepske, ut sjtrikske en ein versierde sjnoët.
Kóm mei nów, kóm mei nów, op zeuk nao ut gelök.
Den daag, dae wuurt vandaag geplök, kóm heej mien knoëvelsjtök.

Bliëf heej nów, bliëf heej nów, bliëf heej, gank neet nao hoës.
Ozze pap en ós mam en de kinger zien neet thoës.
Bliëf heej nów, bliëf heej nów, de samba geit nog wiër.
Kóm efkes beej mich in de liër, nów veur de letste kiër.