School en dialect in Limburg

Op vriedig 10 december 2004 is op 't gouvernement in Mestreech 't ieëste exemplaar van 't book 'Dialect en school in Limburg' aangebaoje aan deputé mw. Odile Wolfs. In 't book waert wetensjappelik beweze det Limburgs kalle neet naodeilig is veur 't levere van gooj sjoealprestaties inne basissjoeal. 't Ongerzeuk is oetgeveurd in opdrach vanne provincie Limburg en de Raod veur 't Limburgs. 't Book is te koup inne bookhandel en bie Bureau Streektaal.

Bibliografische gegaeves: Sjaak Kroon en Ton Vallen (red.), Dialect en school in Limburg. Aksant, Amsterdam 2004. 93 blz. ISBN 90 5260 147 X. Pries: 9,90 euro