Sezoene-Karresel

Van Wikibrónne

Van: Huub Brouns


De hèrfstzón sjtraoltj sjnaomiddes weeljig werm,
mer later wäörtj ze erm en roeps verfristj
d’n daag. Klaor hellig leecht wäörtj lies gemistj.
De nacht is kellig. Vreug gevräör, ocherm.

D’n dauw, dae somers blinkendj blank fernistj,
dae zeivertj noe en zieptj. De zjwake zjwerm
van sjaemel sjiensel sjmoortj in’t wolkesjerm.
En Cumulus of Cirrus laektj en pistj.

Het windjsjpeel blajertj oet toet sjtormgeweldj,
det den in doeëdse dorrigheid weer zjwiegtj.
Doorein regeertj de vorst, soms iezig fel.

Mer lintje lónktj, toet alles zich herkriegtj.
Gauw äövervläögeltj gelp weer bós en veldj.
Mer….drejtj den naog väör mich dae karresel ?

_________________________________________________

                               Huub Brouns, Naer