Sjoean is dae jungsten tied

Sjoean is dae jungsten tied is de vouksverzje van 't populair nómmer Schön ist die Jugendzeit wie gezónge door Leni en Ludwig oet Kirkraoj. In Mofert kump dees verzje veur.

Teks

Sjoean is dae jeugtied bie lachsen tieje
Sjoean is dae jeugtied, dae kump neet trögk!
Döks bös se meug daovan, van al det strieje
Óm dich al einzemheid, 't hert ónlök!

Den zègk ich 't e-nans: sjoean is dae jungsten tied
Sjoean is dae jungsten tied, dae kump neet mieë
Dae kump, dae kump neet mieë; kump noeatj mieë op dich aan
Sjoean is dae jungsten tied, dae kump neet mieë

't Bleutj aan blome, de floer, d'n heuvel
Die welken allemaol intjaors verloup
Ouch zoea 't miensjenhert, det geit nao Teuvel
En bleutj d'n twieëdje kieër den slechstekoup

Den zègk ich 't e-nans: sjoean is dae jungsten tied
Sjoean is dae jungsten tied, dae kump neet mieë
Dae kump, dae kump neet mieë; kump noeatj mieë op dich aan
Sjoean is dae jungsten tied, dae kump neet mieë