Tebannet

Dit is gedeiltelik óf gans ven ge Limburgse óf Kölsje wikipedia gehaoldj. Höb estebleef bi-j veur de bewèrkers dao.

---

Tebannet (Nederlands: Banholt) ies 'n dörp in de gemeinte Mergraote op 't plateau in Zuud Limburg. De naam kump van ban en holt. Holt in de beteikenis van bösj. 'ne Banbösj ies 'ne bösj woa allein de keuning rech haet um te jage.

E. Vrijdag maakde in de jaore vieftig van de 20e ièw 'n woordelies van 't dialek van Maer en Tebannet.

Tebannet huèrde tot 1982 same mèt de buurtsjap Terhoorsj (Terhorst) tot de gemeinte Maer (Mheer). In 2003 wone d'r 1100 luuj.

Bezeenswaerdig
De Katholieke kèrk ies gewiejd aan de heilige Gerlachus. Zie ies in 1875 geboewd es rectoraatskèrk, nao 'n lank conflict mèt Maer um ein eige parochiekèrk te kriege. In 1937 weurt Tebannet ein eige parochie.
De torebedèkking haet de, ón-Limburgse, vörm van ein zaaldaak. Boete, achter 't koar bevingk ziech 'n Lourdesgrot. Al veur dat Tebannet ein eige parochie waor, besjteit 'r de baevaart nao Sint Gerlach. Dit in naovolging van de cultus in Houtem. Nao de 60er jaore in de 20e ièw ies dit in onbruuk geraak.

Ein aantal vakwerkhoezer ies bewaard gebleve en zelfs (her)opgeboewd.
'n Vuursjteingroeve.

Dörpsvereiniginge
Jónkheid van Tebannet
Harmonie Amicitia Banholt
VV Banholtia (voetbal)
Carnavalsvereiniging de Boemelère
De Boemelkapel

Folklore
't Burkbraëne op de 1e zóndig van de vaste. De kinger van 't dörp trèkke dan mèt fakkele ónder begeleiding van de harmonie nao 'ne brandsjtapel en sjteke dao 't vuur in.
De kèrmes mèt de Pinkstere begint mèt 't plante van de Gerlachusden. Dat gebeurt al saer 1881. 't Weurt d'r paol op g'ne plei geneump. Dees weurt door de jónkheid oet de Boveste Bösj gehaold bie Ièpe. De boum blief 't gans jaor sjtoon.
Zomercarnaval op 'ne zóndig in juni mèt optoch.

Gebore
Sjef Hutschemakers (1931), kunsjilder

Trivia
De oetdrökking: Dat hingt op g'n den beteikent: dat ies bekènd in 't dörp.