Vastelaoves-trein, de

Van Wikibrónne
Naar navigatie springen Naar zoeken springen

Refrein:
Now is hae klaor, kom min-se groet en klein,
en sjtap maar in in ozze vastelaovestrein.
Dit waer is good, ut guuf os goje mood,
en det kumpt zeker door os vastelaovesblood.
Wult geej aoch mei, den sjtap maar beej os in.
Maar zorg wel veur goje zin.
Want weej gaon polonaise achterein in osse vastelaovestrein.
Jao, weej gaon polonaise achterein in osse vastelaovestrein.

Nao waeke lang van knommele is hae now eindelik klaor.
Det knommele, det likt os wel, maar ut dink-werk det is zjwaor.
Ein sjruufke heej, ein vaerke dao en heej en dao get vet.
Jao, ein dink det is zeker, ut waas neet zoe vruug nao bed.
Ut waas idderren aovend laat.
Maar kiek now heej, heej sjteit ut resultaart.

Ein rails, die hebbe weej gaar neet, weej gaon gewuun op sjtraot.
De kondikteur, dae bluus zien fliut, en guuf os gooije raod.
Dao is veur idderein ein plaats, jao zelfs veur de kapel.
As die begint te sjpeule, jao, den geit det dink zoe sjnel.
De machinist, dae rempt um aaf.
Maar geit hae door, den rope weej allaaf.