Viëhr hùbbe de las van den daahg en de brennende hits gedraahge
Viëhr hùbbe de las van den daahg
en de brennende hits gedraahge.
(Matt. 20, 01-16)
20 01 Want ‘t kuëhninkriehk
van den hiëhmel vilt te vergeliehke
mit den hiër van enen hoahf,
dèè ‘t sjmùhrges vreug t’r-op oeht góng
óm daahgluëndisj aahn te nuhmme
vuër ziene wiehngaard.
02 En wiej hèè ‘t mit de wèhrkluej
èns woar woëhre
dat ze eehnen denaahriej per daahg
zowwe kriehge,
sjikden hèè huhn noa ziene wiehngaard.
03 En wiej hèè óm een oër of nuëhge
d’r-op oeht góng, zoog hèè ahngeren
op de mehrt sjtoan niks te doëh.
04 En hèè zag:
Goat ooch giëhr noa de wiehngaard,
en ich zal uch gèèhve, wat richvèèrdig is.
05 En ziehj góhngen der hèèhr.
En róndj twellef en driehj oër
góng hèè wèèr d’r-op oeht en dèj ‘t zellefde.
06 En wiej hèè róndj viehf oër
d’r-op oeht góng,
tróf hèè wèèr ahngeren aahn, diej doa sjtóhnge
en zag tèèngen huhn:
Woëróm sjtoat giër hiehj
de gahnsen daahg niks te doëh?
07 Ziej zagte tèèngen hèùm:
Ómdat niëhmes betaahld wehrk
vuër ós hèèt .
Hèè zag tèèngen huhn:
Goat giëhr oohch noa de wiehngaard.
08 En wiej ‘t oavend woar woëhre,
zag den hiër van de wiehngaard
tèènge zienen opzichter:
Roop de wèhrkluej en gèèhf hun de loën,
te beginne biej de lèste bis de iësjte.
09 En diej róndj vîef oër woare kóhmme,
kreehgen eehnen denaahriej de mahnne.
10 Noew mèhnden diejgenige
diej ‘t iësjte woare kóhmme,
dat ze miëh zowwe kriehge.
Mê oohch diej
kregen eehnen denaahriej de mahnne.
11 En wiej ze dat kreehgte,
protestèèrde ze biej den hiër van den hoahf
12 en zagte:
Diej lèsten hùbben één oër gewèhrk
en giër hùb huhn geliehk gesjtèld mit ós,
diej de las van den daahg
en de brennende hits hùbbe gedraahge.
13 En hèè geef eehne van dehn ahntjwoëhrd
en zag:
Kammeroat, ich doën dich geehn óhnrech aah.
Bès doew ‘t neet mit mich èns woëhren
dats se eehnen denaahriej zos kriehge?
14 Pak ‘t dint en gahnk eweg.
Ich wihl aan dèè lèste gèèhve wiej aan dich.
15 Dahrf ich neet mit ‘t mint doëh
wat ich wihlle?
Of kiks te koad, ómdat ich good bèhnne?
16 Zoë zullen de lèste iësjte zihn,
en de iësjte lèste.
Want vèùl zihnt ter gerope,
wiënig èèhvels oehtverkoahre.