Vraog mich niks

Veur de res geit 't langs os heen
Sjriever	?
Jaortaal	2000
Plaats	Arensgenhout
Saort	Leedteks
Oetveurendje	Outside

Trögk nao Arensgenhout.

Teks

't Is 'nne door-de-waekse aovend, 'ch gaon nog effe örges langs.
Mit 'n pils veur de TV, en veur mörge geine angs.
Ich dink neet aan mörge, de aovend is nog lank
Ich zit hie toch oké veur de TV hie op de bank.
En sjmörges dan höb ich 'n probleem, maar dat zulle veer mörge waal weer zeen.

Vraog mich niks veur 'n oer of tièjn, laot mich noe effe sjlaope
Want ich doon meistal rond dae tied, jao mien ouge pas aope
Ich weit dao wint geine aan, mer doog dien idee van de baan.

De waek die vrit noe aan mich, eedre nach weer laat in bèd.
Mer noch effe, is 't week-end, en dan waer ich waal weer fit.
Zoa geit dat eedre aovend, ich lèt noeats op de tied
En sjmörges es ich op mòt, dan höb ich alweer sjpiet
Dus sjmörges dan höb ich 'n probleem, maar dat zulle veer mörge waal weer zeen.

Dan is 't eindelijk week-end, mein god wat bin ich blie.
Sjmörges lik ich in mien bèd, veur de res bin ich dan vrie.
Saoves dan gaon ich weer oet, soms wurt 't dan waal laat
En bevilt de drank mich good, dan bèn ich auch nog zaat.
En sjmörges dan höb ich 'n probleem, maar dat zulle veer mörge waal weer zeen.

Laatste refrein:
Vraog mich niks veur 'n oer of of veer, laot mich noe effe sjlaope.
Want ich doon meistal rond dè tied, jao mien ouge pas aope.
Ich weit dao wint geine aan, maar dooch dien idee van de baan.