Vul te lang gelijje

Van Wikibrónne
Vul te lang gelijje
Sjriever Jack Pouls
Plaats America
Saort Leedteks
Oetveurendje Rowwen Hèze

Trögk nao America.

Teks[bewirk]

't Is vul te lang gelijje, 't het vul te lang gedeurd,
dat ik di muffe kop van ow wir zaag.
We deeje alles same, hebbe veul achter de rug,
we leafde beej de gratie van d'n daag.
We woorte same zat en veele op de plats in sloap,
we droemde verder met de oege oap.
't Dreide um vandaag, 't dreide um ien ding:
dat 't mergevroeg gewoen wir verder ging.

We droemde en we dronke, hinge daage bij elkaar.
We lachte hard en woste ni wurrum.
De mieste die os zaage, die vonge os mar raar.
Achteraf bekeeke, deeje we 't d'r um.
En gen gezeik van romantisch op de hei,
doar deeje dees twieje jonges neet an mei.
't Dreide um vandaag, 't dreide um ien ding:
dat 't mergevroeg gewoen wir verder ging.

En wat ik steeds van ow bewaar,
niemand kreeg os twieje oet elkaar.
Niemand haj 't lef um tussen os in te goan stoan.
Mar 't is anders gegoan.
't Goj figuur en 't gojje hoar,
binne iene oavend waas ze kloar,
binne iene oavend tien joar oet elkaar.