Wat doon ich aan?

Idder jaor bin ich aan't prakkizeren, wat veur pekske geit ut dit jaor waere ?
Wat veur pak zal ig dit jaor ens aan doon, waor de vónke van aaf gaon sjlaon.
Idder kiër vraog ich mich den aaf, welk pekske sjteit mich ut gaafst ?

Wat doon ich aan die daag, ich bin ech gans van sjlaag.
Ich weit ech neet wat ich aan mót doon,
Wat zal ut dit kiër zien ? Cowboy of clown mesjien ?
Nae, ich weit neet wie ich zal gaon.
Ich höb in alle doëze gekeke, en de pekskes metein vergleke.
Ich weit neet wat ich aan mót doon, want alle pekskes ving ich aeve sjoën.

Jao, zoë geit det idder jaor wir opniej, weit ich neet wat ich aan mót doon.
Mer den bedink ich, ich maak gewoën ein niej, waor ich mei door ut lint ken gaon.