Wat giëhr vuër de minsten hùb gedoah dat hùb ger vuër mich gedoahn
Wat giëhr vuër de minsten hùb gedoah
dat hùb ger vuër mich gedoahn.
(Matt. 25, 31-46)
31 En went de Miensjezoëhn kuhmp
i zien hiërlikheehd
en al zien èhngele mit hèùm,
da zahl hèè zich goa zètten
op den troën va zien hiërlikheehd.
32 En da zullen alle vohlker
vuëhr hèùm biejeeh gebrach wèèhre
en da zahl hèè ze vaneeh sjèhjje,
jus wiej de sjiëper de sjèùp sjèjt van de buk,
33 en da zahl hèè de sjèùp
rechs va zich plaatsje
en de buk lèhnks.
34 En da zahl de kuëhning
tèènge diejgenige diej rechs va zich sjtóhnt, zègke:
Kómp, gezèèhngende van mie Vaahder,
erft ‘t kuëhninkriehk,
dat vuër uch is kloargemak
vanaaf de gróhndj-lègking van de welt.
35 Want ich haw hóhnger,
en giër hùb mich te èèhte gegèèhve,
ich haw doëhsj
en giër hùb mich te drèhnke gegèèhve,
ich woar ene vrèème
en giër hùb mich opgenóhmme,
36 naahksj en ger hùb mich geklèjd,
ich woar krahnk
en ger hùb noa mich ómgeziëhn,
in de gevahngenis woar ich
en ger zeet noa mich hèèhr kóhmme.
37 Da zulle de richvèèrdigen
hèùm ahntjwoëhrd gèèhven en zègke:
Hiër, wiejnië hùb viër uch geziëhn,
dat ger hóhnger hawt
en dat ver uch te èèhten hùbbe gegèèhve,
of doëhsj
en dat ver uch te drèhnken hùbbe gegèèhve?
38 En wiejnië hùb ver uch es vrèème geziëhn
en hùb ver uch opgenóhmme,
of naahksj en hùb ver uch geklèjd?
39 En wiejnië hùb ver uch krahnk geziëhn
of in de gevahngenis
en zihnt ver noa uch hèèhr kóhmme?
40 En i zien ahntjwoëhrd
zal de kuëhning tèèngen hun zègke:
Woarlik, ich zègk uch:
Ahl wat giëhr vuër eehne van de minste
va mien brùjjisj hùb gedoahn,
dat hùb ger vuër mich gedoahn.
41 Da zahl hèè oohch zègke
tèènge diejgenige diej lèhnks va zich sjtóhnt:
Goat eweg va mich, vervlookde,
noa ‘t iëwig vuëhr dat is kloar gemak
vuër den duehvel en zien èhngele.
42 Want ich haw hóhnger,
en giër hùb mich neet te èèhte gegèèhve,
ich haw doëhsj
en giër hùb mich neet te drèhnke gegèèhve,
43 ene vrèème woar ich
en giër hùb mich neet opgenóhmme,
naahksj, en ger hùb mich neet geklèjd,
krahnk en in de gevahngenis
en ger hùb neet noa mich ómgeziëhn.
44 Da zullen oohch diej ahntjwoëhrd gèèhven
en zègke:
Hiër, wiejnië hùb viër uch geziëhn,
dat ger hóhnger hawt of doëhsj
of es ene vrèème of naahksj of krahnk
of in de gevahngenis
en dat ver neet vuër uch hùbbe gezùrg?
45 Da zahl hèèh hun ahntjwoëhrd gèèhven
en zègke: Woarlik, ich zègk uch:
Ahl wat giër neet hùb gedoahn
vuër eehne van dees minsten hiehj,
hùb ger oohch neet vuër mich gedoahn.
46 En da zullen diej eweg goahn,
noa de iëwige sjtroaf,
mê de richvèèrdige noa ‘t iëwig lèèhve.