Wat mak ger uch toch bezùrrig

Wat mak ger uch toch bezùrrig?

(Matt. 25-34)

   25 Doaróm zègk ich uch:

Mak uch neet bezùrg

uëver wat ger zult èèhten

en wat ger zult drèhnken

óm i lèèhve te bliehve, en oohch neet

uëver wat vuër klèhjjer

ger uch óm ‘t liehf zult doëhn.

Is ‘t lèèhve neet miëh ès ‘t èèhte

en ‘t liehf neet miëh ès de klèjjaasj?

26 Kikt ens noa de vuëhgel in de lóch:

Diej zië neet en mië neet

en vaahre neet ihn noa den sjuëhre,

en toch giëf uër Vaahder in den hiëhmel

ze te èèhte.

Zeet giëhr neet miëh wèèhrd wiej diej?

27 En wèè van uch kènt mit zien bezùrgdheehd

ziene lèèhvestiehd mit één èl verlenge?

28 En wat mak ger uch toch bezùrg

óm klèjjaasj?

Liërt van de leehlieje i gevehldj,

wiej diej wasse.

Diej wèhrke neet en sjpènne neeht.

29 Toch zègk ich uch:

Saahlomon in al zien prach

woar neet geklèjd wiej één van diej.

30 Es God toch zoë ‘t kroehd klèjt

dat huej i gevehldj sjteeht

en mùhrgen in de bak-oahve wurt gesjmiëhte,

wiej vèùl te miëh dahn uch, kleengeleuvige!

31 Zègk dus neet bezùrg:

Wat zuhl ver èèhte?

Wat zuhl ver drèhnke?

Wat zuhl ver ós aahndoëh?

32 Want op dat allenej

zihnt de ahnger vohlker oeht.

Uër Vaahder in den hiëhmel wit waahl,

dat giër dat allenej nuëdig hùb.

33 Mê zeukt iësj ‘t riehk Goads

en zien gerichtigheehd;

da zal uch dat allenej

nog ter biehj gedoah wèèhre.

34 Makt uch dus neet bezùrg óm mùhrge,

want mùhrgen hèèt zien eehge zùrrig.

Jiëhderen daahg hèèt genóg

aa zien eehge probleme.