Wiej ze hèùm aan 't kruts gesjlaahgen hahwwe

Wiej ze hèùm
aan 't kruts gesjlaahgen hahwwe.
(Matt. 27, 31-44)
31 En wiej ze hèùm besjpot hawwe,
dèhjje ze hèùm de mahntjel aahf
en dèhjjen hèùm wèèr zien eehge klèhjjer aah
en vèùrden hèùm eweg óm hèùm te krutsige.
   32 Wiej ze doa hèèhr góhnge,
keehme ze ene mahn oet Ciërene tèèhnge,
Siemon geneump.
Dem dwóhnge ze zie kruts te draahge.
33 En wiej ze biej 't vehldj keehme
dat Golgotha geneump wurt,
wat Sjeehdel-vehldj beteehkent,
34 geehve ze hèùm
wiehn mit gal gemenk te drèhnke.
Mê wiej hèè doavan haw gepreuf,
wol hèè neet drèhnke.
35 En wiej ze hèùm
aan 't kruts gesjlaahgen hahwwe,
verdeelde ze zich óngereeh zien klèhjjer
doër d’r-óm te loahte,
[doamit vervùld zow wèèhren 't woëhrd
gesjproahke via de profiët dèè zag:
Óm mien klèjjaasj
hùbbe ze 't loaht gewóhrpe
en mien klèhjjer
hùbbe ze zich óngereeh verdeeld.]
36 En doew zatte ze zich
en bewaahkden hèùm doah.
37 Ze plaatsjden oohch boave ziene kop
de aahklach tèèngen hèùm,
diej zoëh woar opgesjriëhven:
Dit is Jezus, de kuëhning van de Juede.
38 Doew woëhrte saahme mit hèùm
twië bandiete gekrutsig,
eehne rechs en eehne lèhnks.
39 En diej wat doa langs keehme,
sjùdde mit de kop
en sjloge lasterlike kahl tèèngen hèùm oeht
40 en zagte:
Doehw, dèè den tehmpel aahfbriks
en in driej daag opboewts, red dich zellef,
es te de Zoëhn va God bès,
en kóhm van 't kruts aahf.
41 Zoëh besjpotden hèùm oohch
de hoëgpreestisj mit de sjrifgeliërden
en de awdste mit te zègke:
42 Ahngeren hèèt hèè gered,
zich zellef kahn hèè neet redde.
Kuëhning van Israêl is hèèh;
went hèè noehw van 't kruts aahf kuhmp,
da zuhl ver in hèùm geleuhve.
43 Hèè hèèt zie vertroewen op God gesjtèld:
Dat Dèè hèùm noehw redt,
es Hèè hèùm genèèhgen is.
Want hèè hèèt gezag:
De zoëhn va God bèn ich.
44 Op de zellefde manèèr
besjahmpden hèùm oohch de bandiete
diej mit hèùm gekrutsig woahre.