Zumbó diksiejoneer

I Zumpelveld is lets d'r Zumbó diksiejoneer versjeëne. 'Zumbó' sjteet vuur 'Zumpelveld-Bóches'. 't Book is samegesjteld durch W. Strolenberg en oetgegeëve durch d'r hemetverein De Bongard. In 't book zunt twieë oetgebreide lieste mit wöäd ópgenoame. De ieësjte hat 't Hollendsj als oetgangspunt en gieët doaneëve de wöäd in d'r dialek va Zumpelveld en Bóches. In de twieëde sjtunt de dialekwöäd oet d'r dialek va Zumpelveld en Bóches vuuróp mit doahinge de vertalinge in 't Hollendsj.

W. Strolenberg (red.), Zumbó diksiejoneer, uitgebreide woordenlijst in Simpelvelds en Bocholtzer dialect. Simpelveld 2005. ISBN 90 805883 2 6. Pries 12,50 plus de köste vuur 't versjikke. Mieër info: W. Strolenberg, Stampstraat 52, 6369 BE Simpelveld (Tel. 045-5442624; E-mail westro@home.nl).